Page 14 - KPA

Polis atento y reaccion rapido cu refuerzo a

logra captura 3 ladron, un sospechoso a

logra huy pero lo gar'e awe mes

7 HORA PASA , 19 DI APRIL 2017 02:39
SECCION: INCIDENTE

Diaranzon madruga a drenta informe di cu tin 3 hende bisti na preto cu a kibra drenta horta den

Hua Run na Ponton, mesora un patruya cu tabata cerca a logra yega mesora y a haya e
ladronnan ta saliendo for di e lugar y a pidi refuerzo mientras esun cu tabata den un auto
Altezza shinishi of oro para un poco mas leu si a logra bandona e sitio. E ladronnan a ser deteni
y poni na suela mientras cu e refuerzo tabata yegando a bay ta hincandonan den auto y a
hibanan na warda. E ladronnan tabata tin 2 caha di placa cu nan a pasa man pa nan y polis a

confisca esakinan como tambe polis a haya e sker grandi cu a ser usa pa corta e hero. E
sospechoso cu a logra huy mihor e entrega su mes na polis prome cu oficialnan yega na su cas
of su lugar di sconde ya cu polisnan sa cual auto y ken e ta.