Page 16 - KPA

Por spera claridad den caso “Helmin Wiels”

si “ Monster” basha abao.

ORANJESTAD,(AAN): — Masha hopi atencion e habitantenan di tanto Corsow, Aruba, y

Bonaire, tambe na Sint Maarten, Saba y Sint Eustatius tin pa sa kico lo sali for di e
caso Helmin Wiels.Recien a baha na aeropuerto na Bonaire un avion di KLM cu abordo
entre otro Elvis “Monster” Kuwas cu a wordo sentencia na bida largo pa a asesina
Helmin Wiels. “Monster” a wordo escolta pa polisnan arma.No ta exclui cu su yegada lo
tin di haber cu e caso cual lo wordo trata dentro di poco na Corsow caso “Maximus”.

Parce cu Kuwas lo a laga sa “cu e kier declara”.E pregunta grandi ta keda ta ken a
ordena y ken a paga pa asesina e lider politico Helmin Wiels.Lo bay scucha porfin ken y
kende mas ta meti.Manera ta conoci Helmin Wiels a wordo asesina dia 5 Mei 2013 den

careda di cinc’or di atardi na e beach situa na Marie Pampoen.Durante e investigacion a
detene cuater persona, entre nan “Pretu” cu despues a comete suicidio.Tambe un di
cinco sospechoso relaciona cu e caso a wordo haya asesina. Ta trata di e homber Raul
Jacinto Martinez (30 aña) y autoridad ta sospecha cu el a wordo asesina pa
“Pretu”.Segun “Monster”, “Preto” lo a manda mensahe di un ke otro si e ta interesa pa

likida Wiels. Parce cu hasta e suma di placa lo a wordo menciona.E diadomingo ey un
vehiculo lo a baha “Monster” na Koraal Specht y djey lo a sali busca un otro persona y
ta sospecha cu ta “Raul” y nan a bay direccion Maria Pampoen.“Monster” lo a baha y a

cana bay den direccion di Helmin Wiels y a basha bala riba politico y despues a drenta
den e vehiculo bay for di e sitio.Durante interogacion di Monster e tempo ey e lo a laga
sa cu e accion lo a tuma masha poco minuut. Locual ta e pago y e suma cu ta wordo
menciona ta personanan cu tin placa lo por a financia pa a asesina e politico.Lo a
menciona cifranan den careda di 60 mil bay ariba. Pero den transcurso di tratamento di

e caso “Maximus”na unda “Monster” Kuwas lo ta testigo lo por spera sorpresa. Tinalgun
nomber cu tambe a wordo menciona pa wordo scucha como testigo, y ta entre
otro Burney “Nini” Fonseca (1971) via di sistema di conexion video.Ta bay haci cuater

aña cu no tin un claridad kendenan tabata tras di asesinato y pa ki motibo. E locual a
tuma lugar a laga un mancha scur atras.