Page 18 - KPA

ORANJESTAD,(AAN); — Polis di Noord a bay dialuna marduga na pazuid di un High Rise
hotel relaciona cu informe ricibi tocante un homber cu lo tabata molestia turistanan na

altura di De Palm Pier. Patruya a presenta y e guardia di seguridad di inicial D.- segun
su version- turistanan a keha relaciona cu comportacion di un homber cu lo ta ofrece
nan droga.Segun D. lo ta trata di e mucha homber di inicial F.O.R. mihor conoci como
“Pinkie”.E ultimo ainda tabata riba beach den cercania di e pier.Polisnan a wak “Pinkie”

sinta drumi den stul y hasta a lant’e y a resulta cu e tabata fuerte bao influencia di
alcohol.A listr’e si acaso e lo por tin substancia prohibi cune pero nada a wordo haya.Pa
02:30 di madruga polis a deten’e y a transport’e pa warda Shaba y riba ordo di fiscal
auxiliar a cer’e.

Homber cu brommer a bay tera na altura di

“Coco Loco” Snack

ORANJESTAD,(AAN);— Patruya di polis seccion Noord a wordo dirigi, dialuna
cincominuut pasa di mey anochi, na “Coco Loco Snack”, relaciona cu pelea. Aki lo
tabatin bringamento cu boter di cervez.Patruya cu a yega a papia cu e señora di inicial
G. cu a declara cu no tabatin bringamento.Ta asina cu a yega un homber riba brommer

y el a staciona e aparato dilanti “Coco Loco Snack“.Segun G. e homber desconoci lo a
cay cu brommer y despues a bandona e sitio cu e brommer.Patruya a busca e homber
desconoci riba brommer, pero e agentenan no a haya ni brommer, tampoco e homber
desconoci segun e descripcion, den vecindario.