Page 19 - KPA

Teochi Croes, conoci den mundo di dragrace

a fayece di forma inespera den fin di siman

ORANJESTAD (AAN): Teomar Jr. Croes (Teochi) di 33 aña di edad, biba na Santa Cruz,

conoci pa su hobby di dragrace y pa drecha auto bou garashi, a fayece diadomingo
ultimo di forma inespera na cas di mayornan.

Famia ta pensa cu lo por ta di un ataca di curason, debi cu e tabata keha di dolor
masha fuerte den su pecho. Dos ambulance y un Rapid Response a presenta na su cas

pa brinda asistencia, pero no a logra.
El a bay laga atras un yiu muhe y un yiu homber. Pa e famia, esaki ta un sla masha
duro mes pasobra no mas cu 5 aña pasa, su ruman muhe Sulima a fayece despues di

duna luz. Pues, el a keda como unico yiu y awo tambe a bay laga su mayornan atras na
un edad asina hoben.

Paz na su famia, cu Dios drama su bendicion y duna boso hopi forsa pa surpasa e
momentonan dificil aki.