Page 69 - VOS DEC 12

Higiena: Mester tene cuenta cu cumindanan cu ta wordo

traha na cas y bendi como negoshi

Sunday, 11 December 2016 12:38
Comparti

Segun Yvette Geerman, ta un tiki dificil pa controla cumindanan cu ta wordo traha na cas, pasobra ta hopi hende y ta
den cultura di Aruba. Tur hende ta den famia, ta traha ayaca. Tin ta traha pa seno familiar pero tin di nan ta hacie
como negoshi.

E ta un tiki dificil pa tin un bista of un control completamente riba dje. Pero si tin conseho como departamento di
salud publico pa esnan cu ta cumpra ayaca, pa sa for di ken ta cumpra. Siña conoce e persona cu ta bende e ayaca pa
bo mes por ta critico cerca ken bo ta cumpra. Si bo no ta sigur di esey, bo por ta hasta bay asina leu di ta puntra e
personanan ey si nan tin nan carchi di salud. E carchinan di salud ta pa hendenan cu ta bende den negoshi, pero e ta
pa e personanan tambe cu ta haci’e pa algo sea familiar of un negoshi chikito. E tin dos banda. E ta proteha abo mes,
esun cu ta prepara e cuminda pa bo tin un siguransa cu tur loke bo ta brinda na e consumidor of esun cu ta bin
cumpra for di bo cu bo ta liber di cualkier cargado di malesa y esun cu ta cumpr’e for di bo tambe, por ta sigur e ora
cu e persona cu ta cumpli cu tur e rekisitonan. E ta tur dos banda. No tin uno cu ta para controla cas pa cas. E ta hopi
dificil, mirando cu e cantidad ta hopi.

Si ta conseha pa sea critico tur dos. Esun cu ta prepar’e y esun cu ta cumpre tambe, sea critico. Abo cu ta bay cumpra
un ayaca for di cualkier persona, wak for di ken bo ta cumpre. Pa bo mes por sa. Ta bo salud ta esun cu ta
importante.