Page 71 - VOS DEC 12
P. 71
Cu un victoria mayan diadomingo Sv Britannia Total Finance
lo keda campeon di invierno
Saturday, 10 December 2016 13:09
Comparti
Mayan diadomingo Sv Britannia Total Finance lo hunga su penultimo ultimo wega di campeonato
2016/17 ora cu nan enfrenta La Fama den stadion Guillermo P.
Trinidad pa 8'or di anochi. Di otro banda La Fama lo ta hungando su ultimo wega pa locual ta e prome
round y actualmlente ta para na di 8 lugar cu 7 punto empata cu Estrella. Despues di e wega di mayan Sv
Britannia Total Finance lo mester enfrenta Bubali diahueps 15 december cual wega a wordo posponi pa
motibo di awa sero dia 20 november ultimo. E enteres pa e wega di mayan diadomingo ta sumamente
halto pa motibo cu La Fama ta bin pa purba saca punto for di Sv Britannia Total Finance tumando na
cuenta e wega bao di nivel cu Sv Britannia Total Finance a hunga contra Estrella y La Fama lo kier
probecha kisas e mal momento cu Sv Britannia ta pasando aden. Di otro banda Sv Britannia Total
Finance no ta pensa di baha speed y lo bai todo por todo pa sigura un victoria. Fanaticada di La Fama y
Sv Britannia ta wordo invita pa bin presencia e tremendo wega aki y apoya bo team favorito.
