Page 72 - AHATA

Presidente di Staten a declara den entrevista cu DIARIO cu e no ta compronde pakico,
CAft ta sigui den e structura di un ley (LAF) cu no tey mas.

Den e carta aki CAft ta avisa mr. Thijsen cu como organo di conseho nan a pidi

Conseho di Minister di Reino pa duna Gobierno di Aruba un aanwijzing, y nan ta bisa
mr. Thijsen pa percura pa tur parlamentario haya e carta aki.

Lesando e contenido di e carta di CAft Thijsen a expresa cu e no ta compronde tampoco

pasobra e ta convenci cu gobierno di Aruba a tene su mes na e protocol.

Presidente di Staten a señala cu encuanto e Social Crisis Plan esaki a pasa den
Parlamento, y e no ta hinca den e 479 miyon cu CAft ta papia di dje. Kiermen, nan tin

otro interpretacion di e protocol, y esey ta keda entre nan y gobierno, cu tin un
diferencia di opinion, y e ta para pa loke gobierno ta trece dilanti.

Parlamentario mr. Thijsen a subraya cu tur e fondonan cu ta bin ta apart, pero CAft ta

interpreta comosifuera nan ta parti di e 479 miyon y cu gobierno ta pusha hende den
trabao pa motibo di e Crisis Social Plan, pero esey no ta e caso.

Thijsen a señala cu CAft ta manda esaki pa Conseho di Minister di Reino, pero sin cu tin

un base legal. E ta ricibi e carta, pero e no ta di acuerdo cune.

Presidente di Staten a menciona cu scuchando e declaracion di Secretario di Estado sr.
Knops, e mes a bisa cu e no ta contento pasobra e protocol no tin un base legal. Nan no

tin un rol mas pasobra Parlamento di Aruba a kita su rol pasobra tin su motibo pa a
hacie.

Gobierno di Aruba a dicidi cu no ta retracta e cambio den e ley di CAft cu Parlamento a

haci, y lo bin un reunion unda e ta bay responsabiliza di esey.

Presidente di Staten mr. Thijsen ta haya cu Minister Presidente a tuma un bon postura,
pasobra e maneho general ta bin prome. El a agrega cu Parlamento mester tene su

mes na e democracia y na e constitucion, pasobra esey ta nan trabao.