Page 73 - AHATA

E parlamentario a subraya cu e no ta gusta e tono di CAft den e carta cu ta uno politico,
y mr. Thijsen ta kere cu nan mester keda den e realidad cu nan ta aden, pero nan no ta
haci esey.

E parlamentario a reitera cu ora nan a cambia e ley Staten no a saca CAft afo. Nan a
bisa CAft cu nan ta keda como organo di conseho di Ministeraad, y organo di conseho di
Aruba.

Mr. Thijsen a subraya cu CAft mester tin respet pa Aruba su Estado di Derecho, y
mescos cu nan tin Eerste y Tweede Kamer na Hulanda cu nan tin cu respeta, mescos
nan tin cu respeta Aruba su estado di derecho.

E ta cuestiona cu Hulanda ta saca CAft for di Aruba, mientras cu nan sa cu e
Begrotingskamer ta den proceso, y cu si saca CAft afo e lo tin un efecto negativo pa nos
pais.

Thijsen a declara cu si Hulanda tin Aruba na pecho, e no ta haci algo asina. Esaki na
prome lugar, y na di dos lugar CAft ta trahando riba un structura anticua (LAF bieu) y a
base di esey nan ta manda un advise na Conseho di Minister di Reino pa duna Aruba
aanwijzing y nan no ta hacie constitucionalmente.

Y si bay na e contenido di e carta esaki ta riba un disputa cu tin pa diferencia di
opinion, unda Gobierno di Aruba ta bisa cu e Social Crisis Plan no ta hinca den e 179
miyon. Gobierno tin razon pasobra ningun caminda den e protocol esaki ta skirbi.

https://www.diario.aw/2019/09/caft-no-tin-base-legal-pa-pidi-conseho-di-minister-di-hulanda-un-
aanwijzing-pa-aruba/