Page 74 - AHATA

Comerciantenan Di Pos Chiquito Ta Sinti Nan Mes

Perhudica Pa Green Corridor

 Local
- 26/09/2019

Nan kier pa DOW yuda nan Comerciantenan di Pos Chiquito ta sinti cu nan a wordo
masacra. Construccion di Green Corridor a trece hopi problema pa nan y hasta tin
negoshi cu mester a cera nan porta y awor ta bay wordo bendi na vindishi.

Awor nan no por wanta mas, pasobra despues di dos aña y diferente combersacion nada a
wordo haci ainda, pa cual nan a yama un conferencia di prensa durante cual nan a expresa
nan preocupacionnan.

A splica cu Green Corridor ta un bunita proyecto, pero alabes a percura pa daño tambe cu
nan ta sinti cu falta di entrada pa nan negoshi.

Desde diseño di Green Corridor a cera practicamente tur caminda cu ta bay na banda y a
laga solamente algun crusada grandi habri.

E consecuencia di esaki ta wordo sinti principalmente dor di comerciantenan na Pos
Chiquito parti pariba, unda no tin un punto unda esnan cu ta bini di Playa por baha y bay
cerca nan sino mester pasa completamente rond.