Page 86 - MIN ARENDS
P. 86
diario di JetBlue for di
Fort Lauderdale
Published on January 5, 2017 in Local
ORANJESTAD, Aruba
Otmar Oduber,, kende a ocupa e posicion di Minister di Turismo te cu cuminsamento di
november 2016 a felicita Aruba henter cu inicio di vuelonan diario di JetBlue for di Fort
Lauderdale. Oduber a indica cu 2017 lo bay ta un bon aña pa loke ta trata turismo mirando tur e
trabounan realiza conhuntamente cu e partnernan den e industria. Un ehempel bibo di loke ta
premira pa 2017 ta e vuelonan diario di JetBlue for di Fort Lauderdale. E vuelonan aki lo cubri e
costa este y oeste di Merca, nan ta un balor agrega y ta un strategia cu a traha pa varios aña
riba dje, Otmar Oduber ta duna di conoce.
El a bisa cu e negociacionnan a cuminsa for di 3 aña pasa, durante ultimo aña a
concretiza esakinan y finalmente a logra na september aña pasa ora a keda confirma
cu entrante januari 2017 e vuelonan directo for di Fort Lauderdale di Jet Blue lo
cuminsa.
E ex minister a bisa tambe cu e maneho cu a wordo hiba for di 3 aña pasa ta pa aloca
den presupuesto un fondo specificamente pa atrae avionnan for di e diferente
mercadonan. Fruto di esaki ta cu Aruba tabata un di e prome destinacionnan den
Caribe cu a convence Jet Blue pa bula for di Fort Lauderdale una bes nan a cuminsa
nan operacionnan.
Oduber a indica cu JetBlue tin 11 aña bulando pa nos isla y a cuminsa for di Boston,
despues a expande y a inicia vuelonan for di New York y entrante 4 di januari a habri e
di tres gateway for di Fort Lauderdale. Di e forma aki JetBlue a bira un di e partnernan
strategico y grandi di nos industria di aviacion contribuyendo grandemente cu e
diversificacion di nos Mercado turistico.
Otmar Oduber : “Masha pabien na Jo-Anne Arends di AAA y henter su team como
tambe RonellaTjin Asjoe-Croes di ATA y henter su team, Jim Hepple di AHATA y tur
esnan di Ministerio di Turismo cu a contribui na e gran logro aki. Mi kier gradici
specialmente Sr. John Checkett di Jet Blue cu ta e persona cu a reuni cune na New
York y a pone e bala aki lora, a kere den dje y awe nos ta disfruta di dje”.
