Page 83 - MIN ARENDS

Minister Richard Arends: For di un principio Hulanda a duna
green light pa cuminsa cu negociacionnan cu Citgo

Thursday, 05 January 2017 20:47
Comparti

Prome cu a cera e MOU cu Citgo, pa cuminsa cu e negociacionnan mes, a pidi ministerio di
asuntonan exterior di Hulanda, como parti di e negociacionnan lo a toca responsabilidad di
Reino

, como ministerio di Reino, di asuntonan extranhero di Hulanda, a pidi nan pa haci un
quickscan pa Aruba, pa mira si di berdad por conta cu e sosten di Hulanda, pero tambe,
mirando tur e desaroyonan nan Venezuela, si Aruba tabata haciendo algo bon di por a cuminsa
cu e negociacionnan.

Resultado di e quickscan tabata positivo. E prome resultado di e quickscan eynan tabata e
MOU cu a wordo firma na September di 2015, sigui pa e acuerdonan cu a wordo firma un aña
despues.

Arends a sigui splica cu a wordo invita prome cu fin di aña pa un briefing oficial di
ehecutivonan di Citgo na unda cu nan a indica kico ta e proceso cu ta bay cuminsa awor aki y
tambe parti di e empleado cu e rehabilitacion fisico di e refineria ta bay cuminsa e simannan
nos dilanti aki cu tambe por cuminsa wak movimento di hende, empleado y tambe
contratistanan cu lo asisti e contratistanan Frances/Venezolano pa e rehabilitacion di e
refineria. Nan tin cu traha cu e contratistanan local. Citgo no tey pa inventa e wiel di nobo. Nan
tin un draaiboek di e ultimo 100 añanan cu Aruba tabata tin un refineria y Citgo no ta bay haci
mucho cos diferente pa loke ta esey.

E empleadonan local y e contratistanan local obviamente tin preferencia.

Entrada pa pais Aruba

Segun minister Arends, tur prome di luna ta ricibi e parti corespondiente fiho. Refineria di
Aruba ta ricibi e parti corespondiente di huur y tambe Departamento di Impuesto, e compania
Citgo Aruba Refinery ta cumpli cabalmente cu su obligacionnan y cual for di un aña pasa, ta
mustra corporate citizenship.