Page 84 - MIN ARENDS

Kico por spera
Minister Richard Arends ta sigui splica cu a calcula, si wak kico Valero tabata genera pa aña,
trahadonan di Valero, inclusive tur e contratistanan, ta papiando di un 90 miyon dollar pa aña,
esey ta exclusivo di e lease y tambe di e minimum tax payment di 10 miyon di dollar. E
reapertura di e refineria por nifica esey pa aña pa Aruba.

Rol di Hulanda

E rol di Hulanda tabata crucial den esaki. E quickscan a wordo presenta na Gobierno di Aruba,
cu un carta di e canciyer Hulandes, sr. Coenders, unda cu ta indica cu tin green light, cu no tin
ningun peliger pa Reino, ningun peliger geopolitico ni pa reino ni pa Aruba y por cuminsa cu e
negociacionnan pa lease e refineria y asina haci e reapertura di e refineria posibel.

E ta un carta cu nan ta yama “blauw”. Parlamentarionan Hulandes a manda pidi e carta y el a
wordo poni den inzagge na parlamento Hulandes, vertrouwelijk ter inzagge. Mesun cos cu a
haci na Aruba cu e documentonan di Citgo, ta un quickscan cu a wordo poni ten inzagge na
Hulanda pa e parlamentarionan.