Page 88 - MIN ARENDS

ORANJESTAD, Aruba

Segun Reglamento di Gobernador di Aruba, Articulo 3, Gobernador ta acepta su
funcion door di entrega den un Reunion Solemne di Parlamento, un copia di e Decreto
Real conteniendo su nombramento y di e proces-verbaal di su juramentacion. Dia 5 di
januari esaki a sosode den un Reunion Publico Solemne den presencia di diferente
entidadnan, gobernadora interino, ex-gouverneurnan, ex-presidentenan di Parlamento,
diferente entidadnan, e distinguida senjora, publico y prensa. E presidente a menciona
cu ta cumpli cu regla y ley y cu indudablemente esaki ta un dia importante den historia
di nos pais, na momento cu nos ta cera conoci cu e di cuater gobernador di Pais Aruba
den mas cu trinta anja di nos Status Aparte.

Wyatt-Ras a para keto na e contenido di e funcion aki. E funcion di Gobernador ta uno
dualistico. E ta representante di corona Hulandes na Aruba y alaves ta cabes di
Gobierno di Aruba. Capitulo II, articulo 1, inciso 1 di nos Constitucion ta bisa: “E
gobierno di Aruba ta wordo forma pa Rey y e ministronan”. Articulo 1, inciso 2 di e
mesun capitulo ta bisa: “Rey ta wordo representa pa e Gobernador”. Esaki ta pa
demostra cu e funcion di Gobernador ta uno hopi importante y di gran responsabilidad
pa cu e guia di nos pais Aruba den un bon futuro.

Ela sigui menciona cu e funcion di Gobernador no ta uno facil. E ta exigi hopi tempo y
dedicacion. Banda di ta defensor di e interesnan di Reino aki na Aruba, e ta vigilante
tambe di interes general di Aruba den Reino Hulandes. Tambe e funcion di Gobernador
ta duna un dimencion resaltante, como cu e ta sali for di e punto di bista cu e funcion di
Gobernador no ta uno pasivo, sino activo. Como cabes di gobierno Gobernador mester
mustra gobierno riba aspectonan di gobernacion cu ta rekeri atencion, y por duna
consejo y coreccion unda cu esaki ta necesario.

Segun Wyatt-Ras e hecho cu tabatin discusion encuanto e procedura di nombracion y
cu esaki a ser discuti den e Parlamento di Aruba como entre e paisnan den Reino no
ta un secreto. Sin embargo e decision ta tuma y nos ta cumpli cu esaki y lo bai traha
hunto pa un solo meta bienestar di nos pais y nos hendenan. Esaki sigur lo trese cune
un reto grandi pa nos Gobernador, gobierno y tur esnan envolvi pa crea confiansa y
respet mutuo. Esaki ta necesario pa sali na vanguardia di interes di nos comunidad y
haci cu otronan por respeta nos. Asina nos por traha hunto pa logra mas igualdad den
Reino. Wyatt-Ras a menciona aspectonan di e curriculum di Gobernador. El a eherce
diferente funcion pa nos pais como director di APA, Ministro Plenipotenciario na
Hulanda y a traha. Ademas el a duna su aporte na trabou voluntario den Rode Kruis y e
ta un persona spiritual cu un famia cu ta sostene.

Wyatt-Ras ta trese padilanti cu nos pais ta den un progreso continuo. Ta keda na cada
un di nos pa contribui na esaki, especialmente nos Gobernador tin e rol pa keda dirigi
riba cada aspecto den nos comunidad pa percura pa no trese desviacion den e
progreso. E parti mas importante den nos manera di funciona mester keda semper
positivismo. Segun Wyatt-Ras positivismo, honestidad, sinceridad y respet ta keda e