Page 15 - HOSPITAAL

Rino Hermans a indica cu awor e concientizacion a cuminza bira mas riba e hecho cu tin
structuranan, cu tin oficinanan pa aconseha si ta haciendo algo corectamente of no.

PROBLEMA TA KEDA AWA

E director interino di Departamento di Calamidad a bisa cu e problema na Aruba ta
keda awa y esey ta data desde 1856 caminda te hasta e frerenan tabata skirbi cu nan
problema tabata awa.

Te dia di awe na 2018 Rampen Bureau ta keda confronta cu mesun problema. El a
señala cu “e problema mas grandi na Hospital ta cu e ta traha na un lugar, y cu 10 – 20
milimeter di awa, horcan, tsunami, tur, nos no tin un hospital”.

Den caso di tsunami, a remarca, no lo tin acceso na Hospital. Un bez cu pasa 20
milimeter di awa, ta den problema ya cu Hospital lo keda inaccesibel.

Tin un plan y lo bay rectifica e plan contra conseho di Rampen Bureau y di PAHO cu ta
papia di ‘safe hospital’, a bisa gobierno cu si ta bay traha un hospital pa no trahe
mesun caminda pasobra no por depende riba dje.

“Esey ta e last ‘standing building’ den codigonan internacional di desaster. Bo hospital
ta e ultimo lugar cu bo mag di basha abao. Verschuif’e, nan a bisa nos no, e decision ta
cla. Kiermen, bo ta traha un conseho, pero e politico ta keda responsable pa su accion”.

CONTRA CONSEHO EXPERTO

Construccion di Hospital actual a bay contra conseho di PAHO (Pan-American Health
Organization) y di Rampen Bureau, esaki ta locual Reno Hermans, a revela durante un

entrevista na e programa “Entrevista di Dia” na e radioemisora Hits 100 FM.

Pa e construccion di e hospital actual a trece Aruba expertonan di PAHO y nan a
recomenda basa riba e hecho cu Hospital ta traha na 70 centimeter bao di nivel di awa.

E generator mes ta poni den un lugar cu ta bay bao di awa. E ta poni den vloer.

Kiermen, Hospital no por auto sostene su mes bao di ningun circunstancia cu ta bay for
di man, Hermans a duna di conoce.