Page 30 - bon-dia-aruba-20180825

A30 LOCAL
Diasabra 25 augustus 2018
Kiwanis Club of Aruba y Cruz Cora Aruba:

‘Prome sesion di informacion contra abuso di mucha finalisa’

ORANJESTAD - Den siman ultimo, Kiwanis Club of
Aruba y Cruz Cora Aruba a bay over na di dos parti di
nan campaña yama ‘No Sconde Mas’. E publico en gen-
eral, muy en particular e habitantenan di San Nicolas,
a wordo libremente invita na Teresita Center pa scucha
dos profesional, esta Trudy Hassel y Janine Rodriguez,
den un sesion di informacion tocante con pa señala
abuso di mucha y kico pa haci.

E sesion di informacion a wordo teni den forma di un dia-
logo, unda cu varios hende presente a lansa varios pregunta.
Pediatra, Rafael-Croes tambe ta un di e oradornan, pero lo ta
presente durante di e siguiente luna, segun un comunicado
ricibi di Kiwanis Club.

Prome cu vakantie grandi escolar, e campaña a ser inicia, cu
e meta pa trece e topico di abuso di mucha dilanti den un luz
unda cu e por wordo discuti y papia den nos comunidad. Den
e periodo ey te awor a presenta varios comercial di television
y riba rednan social cu a cubri abuso sexual, verbal y fisico.
Tambe por a sigui e campaña aki den corantnan y por a wak
un entrevista tocante e tema delicado aki unda cu trahado so-
cial Janine Rodriguez a papia abiertamente tocante e prob-
lema y dicon casonan ta bira mas.