Page 15 - ATA

AWEMainta Diabierna, 24 Februari 2017 11

Glenbert Croes (MEP):

Autonomia den aviacion ta sigurá dor di nos mes, ora nos

mes garantisa seguridad den aviacion pa nos propio pueblo

Niun doño di aerolinea por presiona Departamento di Aviacion Civil

“NOS a tuma nota di e conseho di Departamento
di Inspeccion di Aviacion di Hulanda riba e func-
ionamento di Departamento di Aviacion Civil di
Aruba.

Apesar cu Gabinete Mike Eman 1 & 2 ta den pro-
ceso pa caba di destrui tur loke nos grandinan a
construi pa nos digno pueblo, e sed di destruccion
di Aruba dor di AVP ta pone nubia scur riba full e
aparato di Gobierno”, asina Glenbert Croes a duna
di conoce.

“Pesey mi mensahe awe na Departamento di Avi-
acion Civil di Aruba, kendenan mi ta respeta enor-
mente, por fabor den nomber di nos digno pueblo
y den nomber di e bon nomber di nos pais, boso no
permiti Ministronan di AVP, Parlamentarionan di
AVP intromete den nomber di doñonan di aerolin-
eanan pidiendo flexibilidad riesgoso pa nos pueblo,
nos pais y nos turismo.

Mi a experienciá como ex Ministro di Transporte
y Comunicacion e capitulo dificil, pero exitoso con
nos a logra gana e confiansa bek di autoridadnan di
Merca principalmente cu ta nos partner principal
turistico y den aviacion, di Departamento di Trans-
porte di Merca (DOT) y FAA, e autoridad Federal
di Aviacion di Merca pa nos por haya como pais
nos categoria 1 bek.

Mi kier expresa mi confiansa total den nos Depar-
tamento di Aviacion Civil di Aruba. Pero alabez mi
kier expresa mi desconfiansa total den e Ministro y
Parlamentarionan di AVP cu ta pone presion den
nomber di doñonan di aerolineanan riba nos De-
partamento di Aviacion Civil pidiendo flexibilidad
p’e aerolineanan.

Mi kier pidi nos Departamento di Aviacion Civil:
No laga niun Minister of Parlamentario di AVP
perhudica boso bon nomber.
Boso defende e bon nomber di Aruba. Boso defende
boso propio bon nomber como departamento”.

Claro, nos digno pueblo ta exigi di otro banda pa
como Departamento di Aviacion Civil, boso “go the
extra mile” den supervisa e cumplimento estricto
cu e normanan di seguridad di aviacion dor di tur
aerolinea p’asina nos digno pueblo y tur turista y
tur esnan cu ta traha den e mundo aviacion tin e
seguridad cu bula for di Aruba of pa Aruba ta safe.
Autonomia den aviacion ta sigurá dor di nos mes
ora nos mes garantisa seguridad den aviacion pa nos
propio pueblo, Glenbert Croes a conclui.