Page 5 - AWEMAINTA
P. 5
Dialuna, 4 Februari 2019 AWEMainta 5
Mucha di 9 aña ta dal su cabes contra un tubo na veld di Tanki Leendert
DIASABRA atardi pa mas o menos 5:25 Polis y tambe
ambulance ta bay veld di Tanki Leendert, esun cerca di
Matadera.
Prome informacion a bisa cu un mucha a cay di hal-
to, o sea for di tribuna.
Na yegada di patruya di Noord, nan ta constata cu esey
no tabata e caso. Loke a sosode ta cu un mucha homber
di 9 aña di edad tabata hungando, y lo a bay dal su cabes
contra e tubo cu ta separa e veld y e tribuna.
Pa falta di mantecion e wayanan no tey mas n’e tubo, y
como adulto bo ta sak y pasa abou. Como mucha si e ta
hopi cortico no ta problema, pa mala suerte e hobencito
aki ta net e altura y no a mira e tubo.
Dor di e golpi el a haya un kap serio riba su wowo drechi
cu a sangra basta. Su tata tabatin e drumi riba su scochi,
wardando ambulance.
Na yegada di ambulance, e Paramediconan mesora a
pone riba e stretcher y despues di un rato a sali cune
direccion Hospital. Nos ta desea e hobencito un pronto
recuperacion.
