Page 8 - AWEMAINTA

8 AWEMainta Dialuna, 4 Februari 2019

Pick up lastrando boto a accidenta riba Green Corridor

DIADOMINGO mainta pa mas o menos

10:30 Polis a wordo manda pariba di e ro-
tonde di Seroe Tijshi, caminda un pick up

lastrando un boto a bolter.
Mesora patruya di Santa Cruz a bay n’e sitio,

y pazuid di caminda ta haya e pick up, un
Ford Ranger y e boto benta den e matanan.

Durante cu e incidente a sosode tabatin
hende den boto, y esaki tabata e preocupa-

cion momento cu e informacion a drenta.
Pero danki Dios a resulta cu nan tabata

ok, algun rasca, pero nada di gravedad. E
boto lo a caba di wordo saca for di lama

y nan tabata direccion Seroe Pita cune.
Dado momento algo a bay robes, posible-

mente peso of grandura di e boto y trekker a
bay di banda causando e incidente.

Ambulance a presenta tambe n’e sitio pa un
control, pero esaki no tabata necesario. Polis

di Trafico tambe a yega pa tuma datos.

Homber deteni pa

agredi y menasa

su pareha cu morto

DIASABRA madruga den careda di 12:15

Polis ta bay Bushiri, unda tin algun container
cerca di Chines. Eynan lo tin un dama y nan lo

tin e menasa.
Na yegada di patruya, e dama ta conta Polis cu

su pareha, un conoci di Polis lo a dal y menasa
su persona y tambe su amiga cu morto.

E homber aki durante cu Polis tabata tumando
datos di e caso, e ta bolbe pasa y menasa su

pareha.
Mesora Polis a bay su tras y ta pare dilanti Fan-

tastic Garden y ta detene pa menasa di morto.
El a wordo poni den boei y a pidi transportwa-

gen. Durante cu e tabata den boei, un conoci di
dje a pasa y el a bisa e conoci pa bisa su chick

bay Warda di Polis y bisa nan lage bay. Cu
otro palabra p’e chick revoca su denuncia. El a

wordo transporta pa Warda di Polis na Playa.