Page 7 - AWEMAINTA

Dialuna, 4 Februari 2019 AWEMainta 7

No tin lugar na niun Warda di Polis pa pone ni un scooter

DIASABRA marduga despues cu Polis a detene
un homber, a sinta cu problema di e vehiculo cu ta

keda atras. Agentenan policial diariamente ta haya
nan confronta cu e problema aki, esta cu ta pidi
takelwagen pa un motibo of otro. Pero n’e me-

sun un momento nan ta puntranan bek, “Boso tin
lugar pa pone e auto ey?”.

Actualmente na Aruba no tin ni un pidi espacio
habri na un Warda di Polis pa pone ni un scooter,
mucho menos un auto.

E situacion aki no solamente ta haci’e dificil p’e
agentenan policial riba caya haci nan trabou efici-
entemente, pero ta demotiva nan tambe.

Autonan cu no por keda riba caya at all, mester
laga nan bay. Ta duna nan un boet y ta cla, pero
nan ta keda riba caya, y si nan causa un accidente,

e otro partido cu si tin tur papelnan na ordo ta sali
perhudica.

Algun dia pasa, durante control di trafico na Santa
Cruz masha hopi auto a wordo controla, hopi no
por ta riba caminda, pero kico haci? Ta di laga nan

sigui pa so no tin lugar niun caminda. Mayoria di e
autonan aki no tabatin Keuringskaart na ordo.

Diasabra madruga na Fantastic Garden agentenan
policial tabata man na cabes despues cu a detene

un homber kende a menasa su pareha cu morto y
a bati’e. Pakico?

P’e motibo cu e auto un Nissan March di e homber
cu a keda atras no tin lugar na niun Warda di Polis
p’e bay, y e ta un auto cu mester haci mas inves-

tigacion riba dje.
E otro problema cu tambe ta cay pa’ agentenan, si

algo pasa e vehiculo kita di e persona, ta nan lo t’e
promenan pa wordo yama.

Cuerpo Policial hunto cu Minister di Husticia y nos
ta pensa DOW tambe, lo mester sinta na mesa y

busca un area grandi pa cera, pa hiba tur vehiculo
kita di caminda.
Otro opcion ta, vehiculonan cu tin X tempo benta

na Wardanan di Polis haci algo cu nan, busca un
machine di machica e autonan y t’asina bo ta re-
solve e problema di espacio aki pa semper.

Otro solucion haci un dia di vindishi y tur esaki ta
placa extra pa Cuerpo Policial mes, y bo ta crea es-
pacio. Claro mester pone tur cos riba papel prome.

Solucion tin, pero e boluntad mester.