Page 56 - VOS

Construccion di edificio nobo di hospital no a keda
completa sin reto

Tuesday, 07 March 2017 22:13
Comparti

John Hodgson ta presidente di SOGA y nan ta esun cu ta doño di e edificio di hospital. E proyecto
aki a cuminsa na Mei 2014 cu a pone e prome piedra pa e edificionan nobo.

Esey tabata na banda di e hospital existente, banda di un mata cu minister Eman a pidi pa lag’e
keda, pero Jammer genoeg mester a corta e mata.
Hodgson a felicita na prome luga durante e conferencia di prensa, Stichting Ziekenhuis Aruba, cu
nan 40 aña. E hospital mes a cuminsa na San Pedro, pero despues di San Pedro el a bay na e edificio
actual cu ainda ta basta fuerte. Pesey a dicidi pa no bah’e abao, pero pa renobe.
Falta espacio, manera cu ya e director financiero a yega di bisa y basta tempo pasa nan a cuminsa
wak kico por haci pa pone mas espacio pa e hospital pa tin miho facilidad pa publico.
E edificio a cuminsa traha cun’e na November 2014. Na December aña pasa, por a entreg’e na
Gobierno pa hospital move aden y esey ta sosodiendo den e luna aki. E edificio mes ta basta grandi
pa loke cu tin. E ta mas grandi cu e necesidad ta. Pesey tin un piso cu ainda tin cu wordo dicidi kico
ta haci cun’e.
Tin 52 camber pa consulta den e edificio nobo. Ta basta camber. Nan a wordo traha na un manera cu
e tin flexibilidad. Manera cu a wordo splica, un dokter por bin mainta, otro dokter por bin anochi, of
kico e ta, pa uza e mesun camber. E tin dos camber di espera grandi. Hodgson a sigui splica cu tin
dos lounges pa e staff. E tin hopi espacio, el a sigui menciona.
Tin dos sala di reunion, tur di nan awor por mira cu ta oficina of otro cos, pero esey tabata e
intencion cu e edificio. Tin tambe diferente toilet y otro cambernan cu ta necesario pa core e
operacion aki.
E contratistanan cu a traha e edificio aki ta un subcontractor di OHL Arellano, cu ta e contratista
principal. Esey tabata Bohama. E otro edificio grandi, Albo tabata e subcontratista pa e edificio.
Bohama a traha cu su subcontractor Crown, CHS pa aire acondiciona.
Hodgson a menciona cu e luga tin e capacidad. E tin tur cos necesario pa un edificio di su calidad.
Tabata tin diferente reto ora cu a cuminsa cu construccion di e edificio. Den e edificio, por a ripara,
abao, tin un kabel di fiber optic cu tabata e curason di tur e aparatonan den hospital. Mester a hal’e
un banda pa coba pa e fundeshi. Tabata entre otro algun di e retonan cu a topa.
Despues cu esaki a keda soluciona, tabata tin un otro reto. A test e bentananan y nan a lek. Mester a
drecha tur e bentananan, haci diferente test na fabrica y na final e drechamento a wordo haci. Mester
a retest tur e bentananan y a pasa e test. Awo tin un edificio cu por wanta un horcan.
Un otro reto cu e contratista Mericano tabata tin, ta pasobra nan a bin cu solamente nan
management team. Pero nan mester a traha cu aannemernan local, Arubiano, cu estilo diferente cu
Merca. E contratista mes, tabata un reto pa traha cun’e. Pero na final nan a haya manera pa traha cu
nan y loke a haya awo, ta e resultado di e trahamento di un contratista Mericano, cu mayoria di
subcontratistanan local. E edificio a keda un beyesa. Ora cu a wak na cuminsamento, por pensa cu
kico esaki lo a bay bira. Na final ta contento cu loke nan a haci. Ta gradici e cooperacion tambe cu
Stichting Ziekenhuis Aruba a haci, hunto cu Gobierno y tur hende cu a yuda pa bin na e momento