Page 59 - VOS
P. 59
Riñon ta pa informa y promove educacion relaciona cu e consecuencianan
negativo di obesidad y su asociacion cu e malesanan di riñon. Door di promove
un bida mas saludabel y activo por evita cu malesa di riñon por desaroya.
Obesidad, cu ta sobrepeso grave cu peliger pa salud – expresa den un BMI riba
30 – a bira un epidemia mundialmente y ta wordo proyecta pa crece cu 40% pa
e siguiente decada. E tendencia aki ta nifica tambe mas riesgo pa haya
diabetes, esta malesa di sucu, malesa di curason y ader y tambe malesa di
riñon. Obesidad ta un di e factornan di riesgo mas fuerte cerca pashentnan
nobo cu malesa di riñon. Cerca un persona obeso tin un asina yama hiper
(extra) filtracion di e riñon pa compensa e peso di curpa di mas. E extra
esfuerso aki por daña e riñon cu tempo. E cantidad di malesa di riñon, como
consecuencia di obesidad, a crece 10 biaha mas hopi den e ultimo añanan.
Ademas obesidad ta un di e factornan di riesgo pa haya cancer di riñon.
Ta purba diferente forma pa pone atencion na prevencion di e malesanan
relaciona cu riñon. Tur e esfuersonan aki tin como meta pa reduci e frecuencia y
impacto di malesa di riñon mundialmente, pero tambe aki na Aruba. Banda di
informa y educa e publico tambe kier recorda e profesionalnan medico di e rol
importante cu nan por hunga den deteccion di problema di salud. Plataforma
Promocion di Salud ta boga pa encurasha mas control sistematico di pashent
diabetico pa cu e malesa aki ya cu mayoria di persona cu ta dialisa aki na Aruba
tin diabetes, sigui pa presion halto anto 6 di cada 10 pashent cu ta dialisa tin
peso di mas.
Lo tin diferente actividad durante e siman aki organisa pa Fundacion Kidney297
y varios instancia cu ta den Plataforma Promocion di Salud. Sea e ta un charla,
chekeo di salud of actividad cu ta encera partimento di awa y foyeto na publico
pa conscientisa riba uzo di awa y su importancia pa riñon. Salud di bo riñon ta
den bo mesun man.
