Page 46 - JUS DEC 8

Kenrick Tromp di Inmigracion den libertad atrobe

Wednesday, 07 December 2016 20:23
Comparti

Desde diamars e sospechoso Kenrick Tromp, IT Manager na Servicio di Inmigracion na Aeropuerto, ta
den libertad condicional. Ministerio Publico a lag'e liber, mara na un lista di condicionnan pa atene na
dje, manera entre otro no por yega cerca di su trabou.

Kenrick Tromp, naci dia 4 di december 1978, ta trahando desde Maart 2000 den servicio di Gobierno. A
encarcl'e pa mas di 50 dia, sospecha di e crimen traficacion di hende y falsificacion di documentonan.
Abogado mr. Chris Lejuez a confirma cu e ta den libertad y cu Ministerio Publico lo mester dicidi ainda
riba su caso. E abogado, cu tin un trayecto largo den casonan penal, no ta mira nada particular cu
husticia tin contra su cliente. "E cos aki ta mustra un fishing expedition pero nan no a logra pisca nada",
tabata palabranan di e abogado. Den e proceso Polisnan a drenta varios cas y negoshi, a tuma
computernan den beslag pa investigacion, a interoga varios testigo pero no por yega na ningun stranhero
cu Kenrick Tromp lo a laga drenta Aruba di un forma ilegal. Es mas, su abogado ta confirma, cu Kenrick
no ta atende cu pasaheronan mes den su funcion di IT Manager. E investigacion ta den mannan di
Landsrecherche bou supervision di Ministerio Publico di Aruba