Page 48 - JUS DEC 8

Corte ta haya cu abogado Wix a faya

Wednesday, 07 December 2016 20:19
Comparti

Aruba Growth Fund representa pa abogado mr. R. v.d. Heuvel a keha abogado mr. Ronald "Ronnie" Wix
na Raad van Toezicht op de Advocatuur in Aruba.

E abogado sospechoso a conta cu sosten di abogado mr. Anthony Carlo y mr. E. Van Rickervorsel-
Teeuwen. E caso a cuminsa dia 20 di juli 2015 ora AGF a keha abogado Wix. A trata e caso dia 26 di
october 2016 y a tuma un decision awe dia 7 di december.

Segun Aruba Growth Fund di e comerciante Rene Kan, cu abogado Wix a acesora nan den e compra di e
hotel for di Carlson Group (Ex Radisson) y despues a acesora RIU Resort tambe den cumpra e
propiedad. Ta acus'e di conflicto di interes.

Teniendo na cuenta tur e puntonan na fabor y contra, Corte (Raad van Toezicht) a yega na e conclusion
cu abogado Ronnie Wix a traha empugna di locual por spera di e honor como un abogado,
specificamente contra reglanan 1 y 7 di e reglanan di conducta pa abogadonan. Sinembargo, Corte ta
tuma na cuenta cu nunca antes Wix tabatin un keho contra dje entrega, pero asina mes ta sinti cu un
simpel aviso so no ta suficiente, si tene cuenta cu e keho pisa cu a entrega contra dje awor. Ta cu esaki
den mente ta dun'e un "berisping". Si e no ta di acuerdo,e tin 3 siman pa bay den beroep (apela) den
Hoger Beroep, conoci den e mundo di abogacia como e "Raad van Appèl".

Click AKI pa e sentencia completo.