Page 52 - JUS DEC 8

compania internacional pa incinerator. Lo bay tin mas mester mas hende pa traha na Serlimar,
en bes cu hendenan pensa cu nan lo bay perde trabao. Lo bay tin cambio di e maneho y con ta
maneha e desperdicio di cas. Esey ta un preocupacion cu a bin di Parlamento.

Un otro parti cu Parlamento a accentua riba dje ta e daño cu Aruba a sufri den e ultimo yobida.
Con a para cu e duiker y rioolnan. Kico ta e sistema, si el a funciona of no. Kico por mehora,
cuanto placa por pone extra y den e caso aki, ta contento cu Parlamento a haci toezegging di 5
miyon extra, pa por drecha caminda y drecha e sistema di e desague di e pais, unda cu DOW ta
constata esaki. Esey tambe ta un preocupacion cu a bin dilanti. Di cuater punto di
preocupacion tabata riba e proyecto di Green Corridor, con por minimalisa e molester cu e
bisiñanan ta enfrentando, pero nan ta di acuerdo con e proyecto ta, y cu e ta bunita y lo yuda
alivia e trafico for di San Nicolas pa Oranjestad.

Pa di cinco, Parlamento a trece su preocupacion pa loke ta trata DOW en general, e vision, e
mision, transparencia, e parti di ehecucion. Con por mehora esaki. Tur cu tur, tabata un
reunion riba un nivel halto cu tin cu bisa di parti di Parlamento a bin sugerencia cu sigur lo tene
cuenta cun’e y cu al final DOW lo mehora y na final e pueblo ta sali beneficia for di henter e
debate aki cu tabata den Parlamento, entre Gobierno y Parlamento riba DOW, cu ta un di e
departamentonan mas importante di nos pais.