Page 50 - JUS DEC 8
P. 50
Fiscal: Lo procesa sospechoso di estafa na januari caba
dilanti Corte
Wednesday, 07 December 2016 17:14
Comparti
Ministerio Publico ta pensa pa hiba e caso penal contra e sospechoso R.E.B.G. mas lihe posibel dilanti
Corte den Prome Instancia, probablemente na januari caba di 2017. E sospechoso a wordo deteni riba 28
di november ultimo. E ta wordo sospecha di a haci su mes culpabel di, entre otro, estafa y falsificacion.
Relaciona cu denuncianan y meldingnan a cuminsa un investigacion penal, bao guia di Ministerio
Publico. E problemanan serio di salud di e sospechoso a haci cu te awor no tabata posibel pa tene den
detencion. Mientrastanto a bin un solucion pesey. E sospechoso ta den detencion y lo wordo hiba dilanti
Hues Comisario mañan diahuebs. Ministerio Publico a tuma nota di un mal comprendimento cu a lanta
tocante e 75 pa 100 melding, cu Censo lo a haci na Ministerio Publico. E 75 pa 100 melding ta cubri,
segun Censo, un periodo di 7 aña, mientras cu Ministerio Publico tabata convenci cu tabata trata di 75 pa
100 melding den un aña tocante e sospechoso aki.
