Page 34 - MIN VOS

Arthur Dowers: No ta pasobra un adicto rehabilitando ta cay
bek den adiccion mester stop cu e accion

Wednesday, 30 November 2016 21:43
Comparti

Tratamento pa e adictonan ta costa placa segun Minister Arthur Dowers. E adictonan mester AZV kaart
caminda cu tin facilidadnan

, mester di asistencia medico y pesey mester di e carchi. Una bes cu nan ta den tratamento, e ora ey e
trahado social di e instituto ta procesa tur e caminda, of ta cana tur e caminda pa nan y procesa nan
documentonan pa asina procesa e AZV kaart. Famianan tambe por percura pa esaki. Un di e prome
cosnan cu nan ta bisa ta cu no tin posibilidad pa paga, pero e pagamento no ta para central. Loke ta para
central ta e boluntad pa ricibi tratamento. Ta un problema grandi y duro tambe pa hopi di nan cu bay
tuma e tratamento. Nan ta cuminsa y cay bek, pero esey no kiermen cu mester stop. Tin cu purba cada
biaha di nobo pa laga nan haya tratamento y si nan cay bolbe motiva nan pa sigui y ta mustra cu despues
cu nan cay y lanta, nan ta keda bon para riba nan pia. Ta un bataya largo, pero cu ta haci'e.

Awor aki ta bay bek Colegio Bonifacius. Tambe tin un scol na San Nicolas cu tabata total loss. A dreche
completamente y uze pa basta aña como scol, cual ta Prinses Christina. Awor aki lo bay riba caya pa wak
e diferente adictonan cu a bisa cu nan ta dispuesto pa tuma tratamento pa por combersa un rato cu nan y
stimula pa nan bay tuma e tratamento. Awor aki e hacimento limpi di e facilidadnan aki ta e punto mas
esencia.

Segun e minister, tin varios cos e adictonan a trece, pero tin hopi sushi cu nan a laga riba cura di scol. Tin
diferente bari cu si no cera nan un caminda, nan ta uz'e mes pa subi y drenta pa kibra den e luga. Of ta
tiranan afo of wardanan un caminda. Por wak cu na e otro scol nan a horta koper. Pero esaki ta dificl
mirando e hekwerk. Mester cera e luganan cu nan a drenta sinembargo. Cu un poco esfuerso por logra
cera e hekwerk, di forma cu ta bira mas dificil pa nan drenta.