Page 33 - MIN JUS 4 MARCH 2017

restitutie pa haya, e inspector tin, a base di ley, cu ta reglamenta tur cos cu tin di haber cu e proceso
formal.

Aangifte doen, betalen, ta duna e inspector un termino di cinco aña despues cu e aangifte a wordo
entrega, pa por pone un aanslag definitivo. Esey tabata te cu 2011 aña pasa y 2012 ta canando riba
schema. Loke kier haci si e aña aki si pa tin te cu 2015 den e sistema pa asina ey por prepara tambe cu tiki
tiki bay over na aangiftenan online. A ripara cu esey ta algo cu e departamento ta cla p’e y nos cmunidad
mester cuminsa prepara tambe pe. E ta duna asina mas espacio y tambe ta menos gasto pa por print
asina hopi papel, manda tambe postkantoor, caminda cu tambe tin gasto envolvi, caminda cu e cliente
mester bin bek na e departamento pa entrega su declaracion. Kier haci e proceso ey un tiki mas eficiente
door di tin e declaracionnan disponibel online pa asina ey e cliente den su comodidad di su cas, por yega
su aangifte trankilamente. Esey ta e trayecto cu ta canando y pa 2016 of 2017 kier percura pa tin esaki
caba asina aki. Tenemento di man Esaki sigur ta tene man di personal y segun Gomez-Pieters, mester
cuminsa cambia esaki. Si mira bon, tin 40 mil cliente di inkomstenbelasting solamente. Fuera di esey tin
7000 cliente di winstbelasting. Tin e BBO/Loonbelasting cu tur luna ta drenta den volumennan halto y
esaki mester wordo procesa manualmente den e sistema.

E ta wanta man, e ta costa placa, door cu mester tin hende tambe na pia den e departamentonan pa por
haci esey. Por sosode caminda cu tin foutnan humano cu por tuma luga, pasobra ta hende ta traha.
Hende por haci fout y tur esakinan ta bay elimina door di tin e declaracion online, di tin e manera
electronico caminda cu e cliente por haci su aangifte. Tin cierto control tambe den e formulario digital cu
por minimalisa foutnan cu por wordo haci y por juist optimalisa e termino caminda cu informacion por
wordo procesa. Eynan kier bay, segun Gomez-Pieters. Kier ta un departamento cu ta innovativo, un
departamento cu kier cuminsa cana un trayectoria di innovacion y cambionan interno, caminda cu ta
bezig cu e departamentonan pa ta mas eficiente. Cosnan cu ta haci via papel, procesonan cu antes tabata
bay na man, lo kier digitalisa mas tanto posibel. E ta tuma su tempo pa tur hende ta riba e mesun liña y
tambe e departamento y e trahadonan di e departamento di impuesto tambe, ta carga e vision aki y ta
mira cu di berdad por haci cosnan diferente y por trece un resultado hopi mas bunita di loke ta haciendo
caba awor. Por bisa cu 2015 y 2016 tabata dos aña sigur cu a logra metanan poni, stipula, metanan di
entrada cu ta importante pa pais Aruba. Por mira den reaccionnan di CFT, caminda cu nan ta duna di
conoce cu berdad a logra e metanan stipula. Pa por sigui logra, tin cu sigui cambia y tin cu mehora e
manera di duna servicio, di atende cu e retraso, no tey ainda pero a cuminsa cu un trayectoria cu Gomez-
Pieters ta sigur cu aki cinco aña por mira bek cu lo ta un departamento diferente di loke nan ta awo.
http://www.24ora.com/index.php?option=com_content&view=article&id=119319:poco-poco-
departamento-di-impuesto-kier-bay-over-pa-aangiftenan-online&catid=1:local&Itemid=5

Departamento di Impuesto a haal in nan retrasonan

Friday, 03 March 2017 17:34
Comparti

Nos a papia cu Louanne Gomez-Pieters caminda cu nos a papia riba restitutie. El a splica con e proceso
ta, si tin of no tin placa, etc.