Page 37 - MIN JUS 4 MARCH 2017

DIMP: Hopi cliente ainda no a paga

number di auto pa 2016

Posted on 03/3/2017 11:17 am AST | Updated on 03/3/2017 11:18 am AST

ORANJESTAD – For di e total di 74 mil plachi di number (traduci den
automobilista of auto riba Aruba, un total di 23.600 ta registra cerca departamento
di impuesto DIMP cu a paga na number pa 2017, pues menos cu mitar. Segun
directora di DIMP Luenne Gomez Pieters a splica NoticiaCla.com diabierna mainta,
esey ta e cifra cu nan tin registra den nan sistema te cu diahuebs. Pero tin tambe
esnan cu a paga na hulps bestuurs kantoor (pero cu no ta den sistema di number di
DIMP), y esnan cu a paga online. Pues e cantidad por subi ainda. Tambe no ta
distingui si ta pago di henter aña of cuartal a wordo haci. Ta spera cu tin un
tabulacion di e numbernan completo pa otro siman.

CLIENTENAN INCUMPLIDO Y PLACHI NO USA

Loke a resalta tambe e aña aki segun Gomez, ta e cantidad grandi di cliente cu no a paga
number di auto di 2015 y 2016 ainda. Esey ta ora cu nan a bin paga e aña aki, a nota cu
esunnan di e aña anterior ainda tabata habri, pues no paga. Y tanten nan no cancela esun
di aña(nan) anterior, no por paga e number(nan) nobo. Ademas, hopi cliente a reclama cu
nan no tabata na altura cu mester (a) entrega plachi di number(nan) cu nan no ta uza, sino
nan ta wordo cobra pe. Gomez a splica cu si bo tin e plachi, (e houder) bo ta wordo cobra
pe, si bo ta coriendo cu e auto si of no. Hendenan a kere cu si e auto no ta riba caminda,
ta daña of kibra (pa motibo di accidente), esaki no ta conta y cu no ta wordo cobra. Pero