Page 35 - MIN JUS 4 MARCH 2017

duna e homber un man y lante pa e cana bay na e van di CEA. E tabata sin shirt y cu e shirt na boca y tur
na santo cu marcanan di sla. Na warda el a wordo presenta dilanti subfiscal y eynan a pidi pa un
ambulance.Na Hospital a constata cu e cashi wowo ta kibra y tin ribchi tambe kibra. E senjora cu a bati
alarma a cuminsa cana e caminda pa asina busca derecho pa e agresion contra su mesun homber cual el a
yama Polis pe. Un investigacion a cuminsa dor di BIZO y eynan a cuminsa cu e parti di interogacion.
Hasta a tuma declaracion di e miembro di prensa cu a saca potret di e sospechoso.Bisinjanan tambe a
wordo scucha pasobra parce e bisinjanan a bisa cu Polis a dal e sospechoso poco sla pisa ora e tabata
geboei. Den un caso asina ora e persona ta na boei no ta un peliger mas. Pesey no ta mira motibo pa e
agresion. Un moneda tin dos banda y pesey mirando e situacion y envolvimento di Ministerio Publico
den e caso specifico, a dicidi di detene e dos agentenan cu ta wordo sospecha di e maltrato. Nan mester
duna cuenta di e caso despues di haya varios declaracion di e senjora y bisinjanan. E ta algo hopi fastioso
y parce ya caba sindicato SPA tambe a wordo notifica y a cuminsa yama e miembronan pa un reunion.
Esaki ta mas of menos loke a sosode e anochi di carnaval despues durante e asistencia na e cas na
Paradijs. Lo keda analiza e caso aki di cerca y mira te unda e lo yega.

http://www.24ora.com/index.php?option=com_content&view=article&id=119304:dos-polis-deteni-pa-
agresion-serio-contra-homber-cu-lo-kier-a-tira-su-pareha-mata-den-paradijs&catid=1:local&Itemid=5