Page 34 - MIN JUS 4 MARCH 2017

El a comenta cu esaki ta un tema cu di berdad ta compronde cu den comunidad tin e atencion di e
pagadonan di impuesto. Desde cu Gomez-Pieters a asumi su funcion como directora na 2015, a cuminsa
cu un plan pa por haal in e retraso cu tin. Por bisa cu un tremendo cooperacion nan ta haya di e
afdelingnan di e departamento di impuesto, caminda cu nan ta traha duro riba e retrasonan cu nan tin.
Satisfactoriamente nan a bin ta haal in nan retraso. Na momento cu Gomez-Pieters a drenta como
directora, nan tabata falta 2009, 2010 y bay dilanti y por anuncia te cu awo tin 2012 den sistema.
Mayoria di e clientenan, e pagadonan di impuesto mester a haya nan restitucion pa 2012.

E aña aki loke tin planea ta 2013/14 y 15, pa asina nan ta full bij cu nan retraso pa loke ta
inkomstenbelasting. Como departamento esaki mester cana man den man. Ora cu ta exigi di e clientenan
pa nan ta na tempo cu nan declaracion di impuesto, cu nan pago di impuesto, e departamento tambe
mester percura pa nan ta bij y no tin retraso pa asina nan por duna tambe e restitutie cu e cliente tin
derecho riba dje. Una bes cu yega na e balansa aki, tur cos ta cana un tiki mas miho, un tiki mas lihe y
minister di finansas tambe a wordo poni na altura di e plannan strategico cu Departamento di Impuesto
tin pa e aña aki.
http://www.24ora.com/index.php?option=com_content&view=article&id=119317:departamento-di-
impuesto-a-haal-in-nan-retrasonan&catid=1:local&Itemid=5

Dos Polis deteni pa agresion serio contra homber cu lo kier a

tira su pareha mata den Paradijs

Friday, 03 March 2017 16:37
Comparti

Polisnan J.Y. y tambe A.X.W. a keda deteni diabierna den oranan di mainta pa sospecho di maltrato
serio. E departamento interno di Cuerpo Policial ta atendiendo e caso aki cu a sosode riba e anochi
carnaval.

Nos reportero tambe a bay na e sitio y ta unico media cu a saca potret ora cu e sospechoso tabata sinta
abou wardando pa nan bin buske y hibe warda despues di su detencion. Diadomingo anochi tabata un
anochi hopi druk pa Polis. Despues di parada e Polisnan tabata yena cu asistencia. Esun di paradijs ta un
di e casonan. Ta bon cu tabata tin bastante Polis riba caya y asina nan por a duna e asistencianan
necesario tur caminda. Pa e caso di Paradijs a drenta yamada pa manda Polis urgente pasobra tin un
homber arma den cas cu kier tira su pareha mata. Mas cu un occasion central a manda Polisnan cu
urgencia. Na yegada e Polisnan a haya e muhe pafo y el a splica Polis te hasta di un supuesto arma.E
homber tabata den e cas. Central di Polis a bisa e agentenan pa bay cu hopi cautela pasobra mester tene
cuenta cu nan mesun seguridad tambe. Finalmente a drenta e cas y a detene e homber. E polisnan cu a
bay na e sitio ta unidad di Playa y uno di Flex Team. E detencion parce segun e agentenan no a bay facil
pasobra e homber a resisti. Segun e Polisnan, e homber tabata bou influencia di un of otro substancia. E
muhe cu a bati alarma na Polis, lo a laga sa cu e homber no a resisti ningun momento pa Polis batie di e
forma ey. Sinembargo tur melding tabata cu e muhe ta pafo y homber den cas kier tire mata.

Finalmente a logra pone e homber na boei. Despues cu transporte di CEA a yega, e agentenan a logra