Page 33 - ATA

Banco Central di Aruba ta anuncia emision

oficial di e serie nobo 2019 di biyetenan di

florin

5 HORA PASA , 3 DI JUNI 2019 17:31
SECCION: SOCIAL

Despues di un campaña extenso di promocion pa e publico cera conoci cu e caracteristicanan
di siguridad di e serie nobo 2019 di biyetenan di florin, Banco Central di Aruba (BCA) a emiti
oficialmente e serie nobo aki dia 3 di juni 2019, presentando e prome set di biyetenan na sra.
Xiomara Ruiz-Maduro, Minister di Finansas, Asunto Economico y Cultura. Entrante 4 di juni

2019, e serie nobo 2019 di biyetenan di florin ta obtenibel pa publico na tur banco comercial pa
por haci pago cu nan.

E cronologia di e emision di e serie nobo 2019 di biyetenan di florin ta manera ta sigui:

• 3 di juni 2019
Emision oficial di e serie nobo 2019 di biyetenan di florin

• 4 di juni te cu 11 di augustus 2019
Co-circulacion di e serie di 2003 y e serie nobo 2019 di biyetenan di florin (10 siman)