Page 41 - HOH
P. 41
E responsabilidad di comunidad y ciudadano
den e lucha contra cancer
October 1, 2019
0
SHARE
Facebook
Twitter
Editorial
Dia 3 di December 1967 tabata un fecha masha grandi pa mundo. Profesor Christiaan
Barnard a realisa e prome transplante di curason. Mundo a conoce un adelanto medico
grandi den e lucha contra enfermedad cu e descubrimento di penicilline ya a mara na
speransa nobo pa bida mas largo.
Siglo 20 a conoce desaroyo explosivo den combatimento di enfermedad y logro medico.
E reto mas grandi pa hende a keda cancer, e proceso den cual celulanan maligno ta
propaga den curpa humano y ta bira origen di un desaroyo doloroso y sufrimento
grandi tanto pa e pashent como pa tur hende cu ta sinti nan mes impotente pa alivia e
angustia di e victima di e malesa.
