Page 14 - MIN ARENDS

4 AWEMainta Diabierna, 3 Februari 2017

Director di Cuido na Hospital, Ezzard Cilié:

Hospital a comparti informacion cu Comision

Permanente di Salud di Parlamento

Nos recomendacion ta pa traha cambernan di operacion nobo

DR. Horacio E. Oduber Hospitaal a comparti hopi informacion
cu e comision permanente di salud di Parlamento, specialmente
rib’e ultimo desaroyonan di construccion. Nos Hospital ta
canando un trayecto di renobacion, ampliacion y modernisacion.

Ezzard Cilié, Director di Cuido na Hospital a bisa cu e partinan
mas importante pa nos e momentonan aki ta e magazijn y planta
di energia. E dos nan aki pa nos ta nobo y tin su impacto. E edi-
ficio medico conoci como Medical Office building cu pronto lo
bay den funcion ta loke ta importante pa a duna un bista di dj’e.
E Parlamentarionan a haya un bista di loke e “bedtower” nobo
ta bay ofrece, e cambernan, e structura y con a yega na e diseño
interno cu al final e pashent mester beneficia di dj’e.
Esey ta e parti nobo cu ta habri pronto na momento cu cuminsa
traha rib’e renobacion di e edificio actual di Hospital.

“E temanan cu nos a cubri y cu nan ta hopi interesa pa sa ta con
e cooperacion ta bay entre nos cu e otro partidonan como tambe
e tempo di loke cu falta pa haci pa por entrega e edificionan.
Naturalmente awor nos ta reuni riba un base semanal, pasobra
cu e presion t’ey pa e trabao caba dentro di e macro di tempo
planea y nos ta purba cumpli cu ne.
Nos a reuni cu Minister di Salud Publico cu ta yudando den
esaki pa sigura cu tur cos bay bon”, di acuerdo cu e ehecutivo
na cabes di e seccion di cuido na Hospital.

A discuti tambe rib’e cambernan di operacion. E miembronan di
Parlamento ta interesa kico ta e prijs cu e ta bay carga pasobra
esey ta loke ta bin adicional rib’e prijs cu a conveni anterior-
mente.

“Fuera di esey nos a duna di conoce na e delegacion cu Hospital
a haci su propio inventarisacion a base di preguntanan di SOGA,
pero tambe di Minister: Con ta para cu nos Cuido Intensivo, esta
ICU. Asina ta esey nos a haci un inventarisacion siman pasa y
nos recomendacion oficial ta cu pa nan considera pa bay cu ICU
tambe na luga di warda dos of tres aña pasobra e tin cu bay bin
toch”, el a conclui.