Page 18 - MIN ARENDS

Gastonan di Famia Planea ta draai rond di mey miyon florin

Thursday, 02 February 2017 20:23
Comparti

E gastonan di Famia Planea ta draai rond di mey miyon entre diferente aspecto. Tin overhead costs y
tambe e productonan cu ta ofrece na e comunidad.

Evelyn Ras-Yarzagaray, directora di Famia Planea, a splica cu tin un crecemento enorme, pero e
crecemento ey tambe ta trece cun’e cu e gastonan ey ta bay sigui subi. Una bes si ta papiando di 300
cliente compara cu 4 pa 5 mil cliente, por imagina cu e gastonan ta subi enormemente pa por tin e
productonan necesario inhouse, pa por cumpli cu e demanda tambe. Esey tambe gradualmente ta
trahando riba dje, pasobra naturalmente ta contento cu tin tanto cliente. Famia Planea tey pa yuda
comunidad, pero tambe tin cu bay wak e ora con pa bay fill in e gapsnan. Hopi biaha un crecemento
grandi, no ta prepara p’e financieramente, con ta maneha e parti structuralmente. A bin tiki tiki tambe ta
shift con por focus riba diferente otro producto pa tin un variacion di producto pa por ofrece un y tur,
pasobra naturalmente e demanda ta hopi grandi na diferente producto.

Awendia ta deal cu hobennan cu no kier cualkier producto. Tin cu haci loke ta e outmost best pa por
acomoda cada cliente nan demanda. E gastonan en berdad ta subi durante aña, pero ta haci tur posibel
pa laga tur cliente haya loke nan ta desea na cualkier producto y tambe pa por tin un miho espacio tambe
unda nan por atende cu e clientenan. Esey tambe ta localidad nobo, ta un tiki mas priva pa cada cliente.
Pa tin tambe e confiansa, e comodidad di cada cliente y pa por brinda nan no solamente producto pero
un pakete completo. Esey ta locual cu tabata e focus entre aña pasa y e aña aki, pa e calidad cu ta purba di
brinda na e cliente. Una bes bo por brinda calidad, bo ta sigura bo clientenan cu nan lo keda cerca bo
tambe y cu nan ta confiabo mas den e aspecto cu mas nan tin mester, cual ta sexualidad. No ta un topico
facil. Pa haya e feedback, pa haya cada biaha cu e cliente ta bin bek cerca bo, pa counseling, pa cierto
preocupacion di nan, pa nan salud sexual. E tin un demanda hopi grandi tambe riba abo como instancia,
con bo ta brinda lo maximo na bo cliente.