Page 19 - MIN ARENDS

Prome Minister ta haya falta un poco mas palabra di elogio y
reconocimento di parti di CFT riba e mehoracion di

economia di Aruba

Thursday, 02 February 2017 20:29
Comparti

Por mira cu CFT cada biaha ta lansa cierto mensahenan. Nan ta lansa mensahe riba nan website,
caminda cu tin espacio y despues ta core bisa cu ta eror nan a pone y ta carta cu mester yega na
Gobierno.

Segun prome minister, CFT ta un instituto cu tin nan trabao cu tin cu haci. Por ta ta schoonheidsfouten
nan ta haci y e no ta kere cu ta pa malo.

Pa gobierno ta importante cu nan ta transparente. Nan a pidi mas informacion riba presupuesto 2017.
Minister Bermudez ta suministrando e informacionnan aki y sigur ta bay yega na e conclusion cu
Gobierno di Aruba ta bay yega na e 0.5% manera calcula den e presupuesto 2017.
Locual tin biaha ta haya falta, ta un poco mas palabra di elogio y reconocimento cu e isla chikito aki ta
haci riba su propio pia.
Di loke Hulanda a bisa na 2014, cu ta 9%, a bisa cu ta 5.6%, na un deficit di 0.5%, sin 0 cen di Hulanda.
No ta manera Corsou cu a haya 4 miljard y St. Maarten igual. A baha e deficit te na 0.5% cu hasta pa
Hulanda, ta algo historico pa por baha deficit di e forma grandi cu a logra di bah'e pa e motibo di e vision
economico cu Gobierno a demostra di no pasa e cuenta di crisis pa pueblo, pero inverti pa asina e
recuperacion economico bin y pa no tin un pobresa grandi den comunidad, manera oposicion tabata kier.
Tur dia nan ta papia di megadebe y kier pa Gobierno tuma medida. Nan ta haci cu nan ta preocupa pa
debe y kier a forsa Gobierno den e direccion pa tuma medida pa nan por bisa cu nan ta tuma medida,
pero esey no ta filosofia di Gobierno.

Medida ta filosofia di partido MEP. Nos conoce 8.2%, 7 3/4 porciento, 5 porciento di invoerrechten,
BBO. E partido su storia a carga cu medida. Gobierno semper ta bisa inverti den economia di e pais.
Aruba ta recupera, finansas publico tambe ta recupera y awe a prueba cu e caminda ey tabata esun
corecto. No ta nan so ta bisa esey, mundo, for di presidente Obama, pa e cumbre di e ganadonan di
premio Nobel economico, caminda cu tin sr. Kroegman, Stiegles, profesornan grandi den mundo, a bisa
cu e direccion di stimula economia di recision, ta e caminda corecto pa cana y awe a haya hopi rason pa e
caminda cu Gobierno a tuma. E resultadonan tey y tin hopi pa haci ainda. Caminda cu tabata tin un
negligencia di 8 aña largo, no por recuper'e den un dia.
Edificionan deteriora, barionan deteriora, scolnan deteriora, pais deteriora. A traha duro pero tin hopi pa
haci. Hunto cu pueblo pa haci e resto cu falta, segun prome minister.