Page 25 - ATA

A2 LOCAL
Diamars 25 Juni 2019
Minister Otmar Oduber tocante construccion di hotel na San Nicolas
‘Tin suficiente hende pa traha den proyecto di hotel’

ORANJESTAD - Durante un conferencia di
prensa cu Minister di Infrastructura, Medio
Ambiente y Desaroyo Teritorial Otmar Oduber
a ofrece ayera, el a papia tocante e construccion
di hotel na San Nicolas, y el a splica cu, durante
varios luna, gobierno a reuni cu un grupo cu ta
interesa pa desaroya un proyecto pariba di isla.

Oduber a informa cu den e caso aki nan a uza un in-
strumento di ROP pa defini for di december di aña
pasa cu no tin construccion mas di hotelnan nobo,
ni expansion, mescos cu condominio of apartamen-
tonan na e parti nort di e isla, y por lo tanto tur peti-
cion cu drenta for di e luna ey, a ser nenga a base di e
instrumento ey.

Igualmente el a manifesta loke por sosode den e cen-
tro di ciudad, wafnan y San Nicolas y a base di un ley
cu tabatin, un ley di ‘All Inclusive’, semper a bisa cu
San Nicolas ta merece y tin derecho di por tin e opor-
tunidad di tin un desaroyo, un refineria, of banda di
un refineria.

Den e caso aki cu den e ley di LRO, cu ta basa su mes
riba un maneho di cu ta yama ROP desde 2009, Odu-
ber a bisa cu ya caba pariba di isla a fiha y delinea un
area cu ta sirbi pa e proposito di un desaroyo turistico
y industrial.

Minister a splica, basa den un mapa cu a mustra den e
conferencia, cu e area di desaroyo ta core for di prizon
KIA, bay full abou den area di Sero Colorado, y bay
riba e klep cu ta rond pariba di e area di Baby Beach, y
cu no ta yega na Baby Beach mes, Oduber a specifica.

Segun Oduber, den e ROP nobo a limita e area dedica
pa desaroyo turistico, pa asina haci un zona natural
protegi di e area cu ta bin ariba te na KIA. Algo cu,
segun Oduber, a limita 70% di e area, cual a bira un
zona berde protegi.

Oduber a sigura cu e unico area cu a keda, pa ley,
manera ya tabata anteriormente, ta ariba di e klep y
no abou na Baby Beach, camindanan cu por desaroya
cierto areanan turistico di hotel y tambe a reconoce
abou banda di Nanki Country Club, cu ta den area cu
no tin un balor natural.

Tocante e protesta cu a tuma luga diadomingo pasa, di
parti di organisacionnan defensor di medio ambiente
na area di Baby Beach, el a bisa cu ‘San Nicolas mes-
ter tin un posibilidad pa por desaroya un crecemento
den un area cu practicamente no tin nada’. Tambe el a
sigura cu e gruponan ey no por argumenta nan posi-
cion pa motibo cu, pa ley a ser midi y actua segun e
normanan y leynan vigente pa por crea un desaroyo
pariba di isla.

Oduber a informa cu tambe Banco Central a otorga
e compania ‘Three Rivers’ e permisonan necesario pa
loke ta trata e documentacion y exigencia di gobierno
pa e compania cu lo inverti mas di 240 miyon di dol-
lar pa trece un desaroyo economico pa San Nicolas y
su hende.

Bon Dia Aruba a puntra Oduber tocante e efectonan
negativo cu e proyecto aki lo por trece pa e areanan
berde y luganan protegi ambientalmente, y el a con-
testa cu: Na prome luga, e hotel no lo tuma luga na
Baby Beach; di dos tampoco e lo bay pone un peso
riba e area ey, al contrario e grupo di desaroyador ta
bay mehora y drecha 30% mas di loke Baby Beach
awendia ta un ruina.

Tur studio cu normalmente ta wordo exigi di tur
otro inversion na Aruba, e compania Three Rivers a
cumpli cune.