Page 24 - BNDIA ARUBA

A24 lOcAl
Diabierna 5 Juli 2019

Mantencion di Linear Park ta cuminsa

ORANJESTAD – Linear
Park ta conoci pa hende
cu ta core, train of pasa
nan tempo cu famia. Pa
varios aña por a no tin
mantencion ta tuma luga
na e sitio. Esaki ta haci cu
hende tampoco no por
sigui disfruta di nan ac-
tividad.

Un persona a acerca Bon Dia
Aruba pa asina papia tocante
Linear Park, unda cu tur eki-
po pa haci ehercicio ta daña,
frustia, unda hende no por
haci uzo di nan. Tambe cu e
matanan cu tin rond, cual tin
malesa riba nan.

E ciudadano a bisa cu el a
stop di cana un tempo mane-
ra normalmente e tabata haci,
pero el a dicidi di cuminsa
atrobe. Ora cu el a bay reci-
entemente, el a ripara cu e
ultimo mashin cu tabata sirbi
ainda awo si a daña. Esey ta
impedi cu hende por conti-
nua cu nan ehercicio.
Tambe e ciudadano, kende a
prefera di keda anonimo, a
comparti cu el a cana pa wak
tur e mata cu tabata rondona
e park, el a mira cu mayoria
tin pis pis.

A logra comunica cu DOW,
cu a informa cu tin un de-
partamento cu lo cuminsa cu
e trabou di mantencion dia
15 di juli proximo, pa asina
traha riba e mashin di eher-
cicio cu tin rond di e parke.
Cu esaki tambe lo continua
pa haci nan limpi, pa asina e
mashinnan no daña mucho
lihe.

Lo traha riba area, riba tur
cos cu mester trabou den
dje. Tambe den e mata lo
wak kico por haci pa asina no
keda contagia e otro mata cu
tin den e parke.