Page 13 - HOSPITAAL

Aruba su prome Hospice, ‘Atardi’ a

habri su portanan den weekend

Posted on 11/19/2018 10:22 am AST | Updated on 11/19/2018 12:05 pm AST

ORANJESTAD - Na Aruba, e promer hospice “Hospice Atardi” porfin ta bira
realidad despues di hopi aña di preparacion. Pa celebra esaki, Diasabra atardi a
tene un ceremonia na Hospice Atardi na su localidad na Noord Cura Cabai 147 cu
presencia di Señor Gobernador Alfonso Boekhoudt, Director Medico di AZV, Dr.
Joost Samuel, Coordinador Regional di Caribe pa Cruz Cora Hulanda Marion van
de Rijde, Presidente di Hospice Atardi Dr. Peter Paul Hermans, demas miembronan
di directiva, boluntarionan y invitadonan special. Cu e ceremonia aki a duna inicio
oficial na e bunita proyecto aki cu a cuminsa cu un soño, e soño di Dr. Peter Paul
Hermans cu awe a bira un realidad. Peter Paul Hermans ta un dokter di cas
pensiona y e ta un di e motornan tras di Fundacion Hospice Atardi.

IMPORTANCIA DI HOSPICE

Den e ultimo decadanan, e cuido den hospicenan a bira hopi importante riba tereno di
salubridad publico rond mundo. Na Corsow y na Bonaire tin hospicenan caba y esaki ta
un gran logro pa loke ta e cuido paliativo, cuido di hospice. Cuido di hospice ta encera