Page 28 - AHATA

A15
HENDE Diahuebs 20 september 2018

ANA a ricibi artefacto historico di famia Ecury

ORANJESTAD - Dia 7 di
september ultimo, Archi-
vo Nacional Aruba (ANA)
a ricibi un artefacto his-
torico di famia Ecury. E
artefacto historico aki ta
un ‘gong’ di koper.

Un ‘gong’, na Spaño yama
‘gongo’ ta piesa den forma di
un disco di brons of koper.
Esaki ta wordo colga gener-
almente na algo y ta haci un
zonido ora di dal e cu un pida
palo. E ‘gong’ ta un piesa di
origen oriental/Asiatico.

E ‘gong’ aki tabata colga antes
na e cas di famia Ecury situa
na Schelpstraat 42, cas di
famia Dundun Ecury y Anna
Paulina Ecury-Ernst, mayor-
nan di ‘Boy’ Ecury.

E ‘gong’ di koper aki ta den
forma di un cabes di cabay. E
tabata wordo uza pa yama e
famia hunto, p.e. ora cu cum-
inda ta cla.

Na e cas aki S.J.A. ‘Boy’
Ecury a nace y biba durante
e añanan prome cu el a bay
Hulanda pa su estudio. Ta
door di su permanencia na
Hulanda den tempo di Se-
gunda Guera Mundial, el a
participa den e movemento
di resistencia durante e Se-
gunda Guera Mundial den
añanan 40, di siglo pasa.

E ‘gong’ di koper aki a wordo
entrega na ANA dor di Boy
Ecury, kende ta yiu Nicky
Ecury y ta subrino di S.J.A.
‘Boy’ Ecury.

Nicky Ecury tabata hunto cu
su ruman S.J.A. ‘Boy’ Ecury
na Hulanda pa su estudio
y durante tempo di guera
Nicky tabata miembro di e
‘Limburgse Stoottroep’, cu
tambe tabata un acto di resis-
tencia contra e ocupacion di
Hulanda.

Actualmente e cas den
Schelpstraat ta wordo con-
sidera un monumento y ta
wordo maneha pa gobierno
di Aruba desde aña 1997.
Desde aña 2007 e Museo
Arkeologico di Aruba ta situa
den e edificio.

E ‘gong’ lo wordo warda na
ANA, caminda cu e lo wordo
preserva y lo wordo haci ac-
cesibel pa esunnan cu ta haci
investigacion tocante topi-
conan relata na e artefacto, y
pa uzo pa publicacion y ex-
posicion.