Page 15 - AD

Directora di DIMAS ta splica tocante permiso

di estadia pa casonan special

October 12, 2018

- Advertisement -
ORANJESTAD (AAN) — Directora di DIMAS Kathy Paskel, den conferencia di prensa
yama pa Minister di Husticia mr. Andin Bikker, a informa tocante otro parti di e maneho
nobo cu DIMAS ta bay eherce, entrante 1 di November 2018, relaciona cu peticion di

permiso pa casonan special.

E maneho aki ta dirigi na personanan cu pa haya permiso di estadia no ta cay bao

permiso di labor ni di famia of otro definicion cu tin den e maneho, pero cu mester bay
defini y wak si ta cay bao di loke nan a yama “hardheidsclausule”.

“Eynan minister a duna contenido na su ‘discretionaire bevoegheid’. Eynan nos ta bay
wak e siguiente componentenan y ta wak prome si e ta cay bao di un di e doels cu ta

vigente caba conforme maneho y si esaki no ta e caso, bo ta wak si e persona ta na
Aruba caba y si ta trata di hendenan rijksgenoot cu tin un binding aki na Aruba of si ta
casonan humanitario, unda cu por tin caso di calamidad manera a pasa den Sint

Maarten, y cu lo mester otorga permiso special, hendenan cu edad halto cu no ta cay
pa haya un firma liber bao cierto circumstancianan, pero cu toch tin hopi aña na Aruba,
y asina nos a defini diferente caso. Esey ta e cuadro pa atende cu casonan special
humanitario”, Kathy Paskel a menciona.

http://www.diario.aw/2018/10/directora-di-dimas-ta-splica-tocante-permiso-di-estadia-
pa-casonan-special/