Page 16 - AD

Booshi Wever mustrando cu autoridad ta

deporta stranhero depende trahador di ken e

ta

October 12, 2018

-

ORANJESTAD (AAN): Drs. Booshi Wever di Partido UPP, a mustra cu mientras e siman
aki pueblo di Aruba a conoce dos anuncio cu segun gobierno lo ta hopi importante pa
pueblo, mester remarca cu keto bay gobernacion basa riba nepotismo, privilegio y

populismo ta sigui.

Di un banda nos ta tende yen di fanfaria for di Prome Minister cu lo bay introduci e

Oficina di Integridad y tambe e Camber di Integridad, y cu Minister di Husticia ta
anuncia un maneho nobo pa loke ta trata admision di stranheronan, di otro banda nos
por constanta cu sin un base di integridad y sin respet pa nos reglanan ministernan ta
tuma ley den nan man y ta obliga ambtenaar pa actua incorectamente contra e esencia
di integridad.

Mientras cu tur dia nos por tende parlamentario- y gobernantenan ta propaganda cu
desde aña pasa pueblo por sinti e cambio, parce tog cu nada no a cambia. Sigur no pa

loke ta trata “asunto di stranheria”. E mesun situacion di tempo di Benny y Dowers
(AVPOR), na unda e portanan di Aruba tabata hancho habri, ta sigui keto bay aki na
Aruba. Peor ainda esaki lo bay ta, cu e maneho nobo anuncio door di minister di
Husticia.

http://www.diario.aw/2018/10/booshi-wever-mustrando-cu-autoridad-ta-deporta-
stranhero-depende-trahador-di-ken-e-ta/