Page 18 - DVG

Personal Di Cuido Salud Hubenil Rabia Y Ta

Denuncia Cu Minister Dangui Oduber Tambe A Pega

Cu Malesa Di Priminti Y No Ta Cumpli Cu

Palabracionnan Haci

 Local
- 14/08/2019

Trahadonan di Seccion Cuido di Salud Hubenil di Departamento di Salubridad Publico
(DVG) ta hopi disgusta cu despues di un aña y 4 luna nada no a keda cla ainda pa nan por
haya un espacio unda nan seccion ta keda ubica.

Aña pasa april e edificio den cual nan tabata a keda desaproba dor cu e ta den mal estado.
A papia hopi for di e tempo ey y palabracion a wordo haci, pero nada ainda.

E motibo di nan protesta ta cu nan a haci varios intento, mandando carta, pidiendo un
solucion pa nan por haci nan trabou debidamente y no ta haya reaccion. Nan a wordo
saca di e area unda nan tabata ubica pa motibo cu e lugar tabata den mal estado.

Sharon Everts, vocero di e trahadornan aki a splica cu ta for di april aña pasa nan edificio
a wordo “afgekeurd” y mester a bandona e lugar.

“For di e momento ey nos no tin un edificio propio. Nos a haci tur intento p’e trabou por
sigui, pero e ta birando imposibel y esey ta inaceptabel.”