Page 20 - DVG

Tin proyectonan andando den area di promocion di salud cu tambe lo keda pega.

“Nos ta duna Minister 48 ora y ta spera cu den e periodo ey e tin un contesta satisfactorio
pa nos. Si nos no haya e contesta nos lo no reanuda trabou. Nos a warda asina hopi caba,
a demostra hopi pasenshi, a duna hopi di nos parti y awor nos ta spera e Minister cumpli
di su banda pa busca solucion rapido pa nos.”

Den e carta entrega na sra. Joan van Heynigen, hefe di Management Team y Crystal
Brown (Afdelingshoofd), ta papia cu nan a spera un aña y 4 luna. Ta papia di un edificio
cla cu nan por drenta cu e 20 persona cu ta traha den e seccion. Ta pidi comprension di e
hefenan p’e motibo di nan accion.

Sra. Van Heynigen a splica cu e ta compronde nan situacion y e importancia di e trabou
cu e seccion aki ta haci. Y e ta spera cu nan haya un contesta pa nan traha debidamente pa
Aruba.

E hefe di Management Team a bisa cu e mes a bay controla e edificionan cu a wordo
menciona y hasta el a bisa e mandatario recientemente cu ta urgente pa haya un lugar y e
mandatario a bisa cu e ta consciente di esey.

“Urgencia no ta spera un aña y mey pa solucion, e solucion mester bini mas liher
posibel.” Inclusive e hefe aki como parti di e seccion Hubenil, no tin lugar di sinta ora cu
e caba cu su trabou di Management Team.

“Nan mester haya contesta, nan a mustra hopi pasenshi.” El a priminti e trahadornan cu lo
tuma contacto cu e Minister pidiendo atrobe pa un bon solucion.

“Mi tin aprecio p’e trahadornan aki cu a traha un aña y 4 luna den situacion cu otronan lo
no acepta.

Hasta e administracion di e seccion aki ta mobil awor. E ta bira tempo pa nan haya un
lugar unda nan ta sinti nan mes comodo y ricibi e clientenan.”

Kier men cu Minister Dangui Oduber a pega cu e malesa, masha promesa, y no por
cumpli.