Page 14 - HOH
P. 14
Hopi Preparacion, Educacion Y Experiencia Na Pia Di
Trabou Apertura Oficial Di Stroke Unit Na Hospital
Local
- 03/07/2019
Dr. Horacio E. Oduber Hospital ta orguyoso di anuncia cu aworaki tin dos cama di Stroke
Unit den e edificio nobo riba piso 3.
Enfermeranan di Departamento B3 hunto cu dr. Emile Keuter, Neurologo, y Director di
Cuido, Ezzard Cillié, a bin hunto pa celebra e momento importante aki.
E deseo pa tin un Stroke Unit den Hospital a cuminsa hopi aña atras. Pa realisa esaki
tabata un trayectoria largo cual a rekeri hopi preparacion, educacion y specialisacion di
enfermeranan y hopi teamwork.
Sra. Ruthmila Odor-Croes, Zorgmanager B3 & Stroke Unit, a splica cu mester a prepara
e kamber specialisa teniendo na cuenta cu tabatin mester di monitor nobo, duna training
extra, y e logistica cu mester cambia pa cu esaki. Te cu recien tur pashent di stroke cu a
drenta Hospital y cu mester a haya remedi special, a laga nan drumi den Intensive Care of
Medium Care.
Awor nan por keda den e Stroke Unit, unda cu enfermeranan specialisa lo conecta e
pashent na monitor y controla e.o. su curason.
