Page 12 - AHATA

a12 riba caya
Dialuna 10 Juni 2019

Muchanan bringando a core ora a mira helicopter di polis

ORANJESTAD – Diabierna den oranan di merdia, po-
lis a keda informa di un pelea formal den area di Hen-
drikstraat na Playa entre algun muchanan baldadi.

Manera cu nan a scucha e sirena di auto di polis y e zonido
di helicopter yegando, e grupo a plama for di otro core bay te
den caya. Maske helicopter a capta algun mucha scondi banda
di mata, oficialnan a bay hala nan atencion debidamente.

Helicopter di polis basta abou a causa cu un rato tur hende
tabata atento pa loke tabata pasando den e area.

Auto a sali dilanti otro na Noord y dos persona a keda herida

ORANJESTAD – Diabierna anochi na e t-weg di
Noord, banda di e brug di madushi, ta sosode un ac-
cidente entre dos auto pa falta di preferencia.
Un Nissan March bayendo abou yegando e brug di madushi
ta topa cu un Altezza cu a yega subi caminda su dilanti, y aki
e autonan a dal den otro.

Un problema a start entre e chauffeur di e Altezza contra e
March.

Polis di trafico y Noord tabata presente pa tuma dato. Dos
unidad di ambulans a presenta pa atende cu e heridonan.

Señora di edad y mucha levemente herida den accidente

ORANJESTAD – Diasa-
bra anochi riba caminda
di Ponton, net dilanti e
pompstation na e t-weg,
ta sosode un accidente
di auto, unda chauffeur
di un Nissan Murano a
dal tras di un Chevrolet
Spark.

E impacto a laga tanto un se-
ñora di edad y un mucha den
e Spark levemente herida.
Dos unidad di ambulance a
acudi na e sitio pa atende cu
nan. Polis di trafico tabata na
e sitio pa tuma dato di e ac-
cidente.