Page 13 - AHATA
P. 13
a13
riba caya Dialuna 10 Juni 2019
Detencion na Koyari pa ‘hit and run’
ORANJESTAD – Diasabra mainta, polisnan a keda di-
rigi pa The Mill, unda un auto lo a dal den otro y lo
tabata tin persona herida.
Pero na yegada di polis, testigonan a informa cu e auto cu a
dal den un v-car a bandona e sitio, y polis a haya number di e
auto tambe.
Asina a bay na e adres y topa cu e Nissan Cube para dilanti un
cas. A bay atende cu e chauffeur, y haya hende drumi aden.
Aki problema a start y polis a haya nan ta calma e situacion, y
a bay over na detene un homber pa ta bou influencia.
E Nissan Cube a keda tuma den beslag.
Falta di preferencia ta laga
personanan herida
ORANJESTAD – Diadomingo pasa di 12or di marduga, na e crusada Emanstraat y
Emmastraat a sosode un accidente pa falta di preferencia.
Aki chauffeur di un Yaris shinishi a subi e crusada sin duna preferencia, dal den un Kia Rio.
E impacto a laga ambos auto kibra. Tabatin persona herida, unda dos unidad di ambulance a
presenta pa atende cu e victimanan.
Polis a detene un chauffeur pa core sin rijbewijs y posiblemente bou influencia.
