Page 12 - BNDIA ARUBA

a12 riba caya
Dialuna 20 Mei 2019

Brommer a dal frontal den auto

ORANJESTAD - Diabierna anochi, den e birada na
Brazil un coredo di brommer riba un velocidad halto a
bay den banda contrario, y a dal frontal den un Toyota
Yaris.

E motociclista a lanta di biaha y tabata keha di dolor. E chauf-
feur tabata tin basta amigo cune, y nan a intenta pa bay cu e
brommer pero ora nan a sinti e cayente di polisnan yegando
na cantidad, nan a bandona e sitio.

Polis a tuma e brommer, cu no tin nada, den beslag. Ambu-
lance tabata presente pa atende cu e herido.

Accidente cu impacto fuerte na Siribana; chauffeur deteni

ORANJESTAD – Diasabra pasa di 1:45 merdia, central
di polis a manda un patruya riba e caminda di Siribana
pa Cadushi largo.

Polisnan ta yega di biaha na e sitio y topa cu dos auto Hyundai
basta kibra. Falta di preferencia a hunga un rol. Tabata tin per-
sona herida envolvi den e accidente, unda ambulance a pre-
senta pa atende cu e victima.

Na e sitio, polis di trafico a detene un homber pa core bou
influencia, y a transport’e pa warda pa un test.