Page 40 - Djabierne 21 september 2018.pdf

40 Djabièrnè 21 Sèptèmber 2018
Partidonan di oposishon di Ulanda

Medidanan pa BES no ta sufisiente

pa redusí e pobresa grandi

Riba término korto
WILLEMSTAD.- Segun
e partidonan di oposishon
di Ulanda, GroenLinks i SP,
e medidanan ku gabinete-
Rutte a presentá ayera no
ta sufisiente pa redusí e
pobresa grandi riba término
kòrtiku riba e islanan
Boneiru. St. Eustatius i
Saba. E kompensashonnan
finansiero sosial ta hopi
mas abou den e tres
munisipionan karibense,
miéntras ku e kosto di bida
ta hopi mas haltu ku na
Ulanda, segun GroenLinks
i SP, John Samson ta skirbi
pa Ret Karibense.

Manera ta konosí
gabinete-Rutte ayera
a splika ku lo baha e
gastunan di dunadó di
trabou i suèldu mínimo i
kompensashon finansiero
sosial lo subi ku sinku
porshento. Tambe lo bini
plaka pa drecha akohida
di mucha na e islanan. Ta
trata di 3 mion euro, ku ta
mas o ménos 6 mion florin.
E partidonan di
koalishon si ta kontentu ku
e medidanan. CDA tambe,
pero e partido ta eksihí si
pa gobièrnu rápidamente
bini ku un plan di akshon
pa e añanan ku ta bini.
Un otro kos pa gabinete
saka kara kuné riba
apertura ofishal di aña
parlamentario ta ku nan
tin 30 mion pa kombatí
pobresa, mehorashon
di kayanan i pa stimulá
ekonomia di e tres
munisipionan karibense.
Notisia ku a divulgá kaba
for di febrüari di 2018. E
sèn ei lo no yega e islanan
mesora. Sekretario di
estado Raymond Knops
(Relashonnan di Reino)
a avisá kaba ku e tres
islanan ta haña e plaka te
dia gobièrnu lokal koperá.
‘Ta hasi e invershonnan
aki na momento ku ta trata
di bon gobernashon i un
maneho finansiero sano.’