Page 41 - Djabierne 21 september 2018.pdf

Djabièrnè 21 Sèptèmber 2018 41

Total di 2450 florin
but pa kore outo bou
influensia di alkohòl
WILLEMSTAD.- Ayera
djárason korte a trata vários
kaso di tráfiko. Algun a
hala atenshon ta di tres
outomobilista ku a keda
kondená den pa manehá
un outo bou di influensia
di alkohòl. E hòmber
J.I.L.C. (1987, Colombia) a
kousa un aksidente dia 31
di desèmber 2017 pa 2 or
di mardugá den Saliña. E
tabata bou di influensia di
alkohòl. Fiskal di Ministerio
Públiko Kòrsou a hasi
demanda di un but di 1.250
florin. Hues a kondená e
shofùr na pago di 1.000
florin. E dama L.T.B. (1968,
Kòrsou) a resultá bou di
influensia durante un
kòntròl di tráfiko dia 19 di
yüni 2018 18:15 or riba Van
Krimpenlaan. Tambe e no
tabata den poseshon di un
reibeweis. E no a presentá
den korte pa su kaso i a
keda kondená konforme
demanda di Fiskal na pago
di un but di 1.250 florin.
E hòmber A.D. F. (1940,
Boneiru) a kore 4 di
ougùstùs 2017 pa 21:30
or riba e banda robes di
kaya di Schottegatweg-
oost i a kousa un aksidente,
miéntras ku e tabata bou
di influensia di alkohòl.
Fiskal a hasi demanda di
but di 1.000 florin di kual
600 florin kondishonal i un
temporada di prueba di 2
aña. Esaki debí na e shofùr
su edat i su karchi kastigu
blanku. Hues a kondená e
hòmber na pago di 1.000, di
kual 800 florin kondishonal
i 2 aña di prueba.
E tres kasonan aki su but
total tabata di 2450 florin.
Kontinuashon di pagina 15
Pidimentu di pordon
kai bou di inmoralidat
biblikamente.
Relashoná ku esaki
abogado mr Harlequin a
duna di konos’é ku mester
mira e pidimentu di pordon
komo algu religioso. El
a duna di konos’é ku su
kliente no a hasi nada robes
i no por yuda ku e damanan
ta sinti nan mes atra’é na
dje ora ku nan wak’e.
Pues e no ta mira abase
di kiko nan ta akusá su
kliente den e parti ei.
Mas aleu e akusado
a duna di konos’é ku su
kliente tin masha duele pa
ku e parti ei, pa motibu ku
asta ora ku e dama nan ta
huntu ku nan pareha nan ta
kòrda riba dje i ta p’esei por
a tende ta pidi pordon den
e oudio.