Page 43 - Djabierne 21 september 2018.pdf

Djabièrnè 21 Sèptèmber 2018 43
Plataforma Hóben Goberná ta lamentá

deklarashon eks miembro parlamento hubenil

WILLEMSTAD.- Pa medio di esaki Plataforma Hóben Goberná, e tim ku ta
guia e proyekto Parlamento
Hubenil- Hóben Goberná
k e reakshoná riba
k omentarionan den
medionan relashoná ku un
èks miembro di Parlamento
Hubenil- Hóben Goberná.
Primeramente
Plataforma di Hóben
Goberná ke enfatisá ku
Parlamento Hubenil-
Hóben Goberná ta un
proyekto di formashon
di hóben i hóben adulto
riba e área di liderazgo i
gobernashon.
Tur partisipante na e
proyekto aki ta hóben i
hóben adulto entre 14 pa
25 aña ku ta pasa den e
proseso di elekshon pa
forma parti di e proyekto.
Durante un periodo di 2
aña e hóben ta haña e
preparashon riba diferente
área di gobernashon,
liderazgo i formashon
di karakter pa medio di
training di prosedura
parlamentario, struktura
estatal, debate, “public
speaking” trabou den tim,
etikèt i hopi mas.
Tur esaki ta pa yuda
forma un hóben i prepará
nan pa ta lidernan den
e área gubernamental.
Ningun partisipante por tin
afiliashon polítiko aktivo
pa evitá ku interesnan
polítiko ta bin hunga un
ròl den nan formashon
i proyektonan ku Hóben
Goberná lo ke hasi.
Tambe tur miembro ta
akseptá pa aktua konforme
reglamentonan di e
organisashon, kada un ta
akseptá e kondishonnan
dor di firma un akuerdo for
di inisio.
Partisipantenan di e
proyekto ta bini di tur nivel
di estudio i di tur nivel
sosial di nos komunidat
i tur hóben ta ser tratá
igual durante henter e
trayektoria. Komo guia
adishonal, kada hóben
ta haña un mentor ku ta
guia nan riba un base mas
personal i regular. Den su
totalidat e proyekto ta ser
guiá pa un Plataforma ku
ta konsistí di 7 persona
ku ta prepará e kuríkulo i
training semanal.
Resientemente,
Plataforma Hóben Goberná
a tuma nota di algun
deklarashon den prensa
di un èks parlamentario
hubenil. Plataforma ta
lamentá di por a tuma nota
di deklarashonnan hasí,
aviso@extra.cw Sigui lesa pagina 45